Hugleiðingar um alnetið og ástina

Nú er það svo að mig hefur lengi grunað að á alnetinu (mikilvægt að tala rétta íslensku) væri meira að fynna en klám og góð tilboð um penis-lengingar. En það verður að segjast eins og er að bloggið er hrein bylting í mínu lífi.
Tvennt hefur þó verið að plaga mig þessa vikuna. Fyrst kom "meðvitaðatímabilið" sem ég gekk í gegnum núna seinni part vikunar. Eftir að hafa gert mér grein fyrir því að mögulega væru fleiri að lesa skrif mín en bara nánasta fjöskylda. Ég fylltist skrifkvíða og gat ekki sett stafkrók á blað???? (þessu orðatiltæki þarf greinilega að breyta). Ég hef núna yfirunnið þennan ótta og býð hér með heiminn velkominn að þessari síðu minni.

Seinna vandamálið þykir mér þó sýnu erfiðara en það er ástin.

Jú ég hef þvælst eftir linkum annarra bloggara og lesið mér til um líf fólks út um allan heim og á þessari vegferð hef ég fundið sjálfa ástina. Þessi líka huggulega kona sem skrifar svona óhemju skemmtilega um líf sitt og tilveru. Ég hef nú rakið mig í gegnum líf hennar eins og versti gluggagægir en þegar ég ætla að setja inn komment til að verða sýnilegur, rennur það upp fyrir mér. Það er alveg sama hversu fallengan texta ég setti þarna inn, ég kem alltaf fram sem "REFSARINN"!.

Þetta er ekki gott og því mun ég breyta þessu vörumerki mínu í eitthvað seljanlegra.

Allar hugmyndir er vel þegnar en ég mun taka mér nokkra daga til umhugsunar. Það blasir jú við að þetta er mikilvægt.