Heppni

Fólk er mis lánsamt í þessu lífi. Ég hef alla jafna reynt að gæta þess að vitna ekki um minn hlut sem "óheppinn", því sannarlega hafa margir hreppt verri hlutskipti í lífinu en ég. Held samt ég verði seint flokkaður sem heppinn.

Áðan ætlaði ég að skjótast úr vinnu kl 15:30 til að koma henni Öddu litlu í klippingu og vera kominn aftur 16:30. Þegar ég er kominn út á vesturlandsveg er honum lokað vegna brúarframkvæmda. Ég þurfti því að fara nokkuð lengri leið en ég hafð ætlað mér og þótti strax ljóst að ég næði ekki að koma Aðalheiði í tíma, né að ná til baka í tíma fyrir símafund til Madison.

Jæja þegar ég er kominn með Öddu í bílinn og við farin að nálgast áfanagastað verður okkur ljóst að við töldum bæði að hinn aðilinn vissi nákvæma staðsetningu á klippótekinu.

Eftir töluvert rúnt og grauterí fannst stofan að lokum.

Leiðin til baka upp á grafarholt er löng og ströng og traffíkin með ólíkindum (ég er ekki að kidda Sváfnir). Þar sem ég sit færis við að komast inn á planið í vinnunni er svo ekið aftan á mig!

Báðir bílar sem og ökumenn sluppu þó ómeiddir.

Kom of seint á fundinn, en að honum loknum var mér svo boðið að klifra upp í stiga til að laga gardínu sem hafði farið aflaga.

Ég sagði nei takk.